Саяхаттың негізгі мақсаты – оқушылардың дүниетанымын кеңейту, туған өлкенің тарихын насихаттау және жас ұрпақтың рухани құндылықтарға деген қызығушылығын арттыру.
Іс-шара барысында оқушылар Төлеби ауданындағы тарихи әрі қасиетті орынның тарихымен танысып, оның рухани маңызы туралы мол мағлұмат алды. Мұндай тағылымды саяхаттар өскелең ұрпақтың ел тарихына деген құрметін арттырып, туған жерге деген сүйіспеншілігін нығайтуға ықпал етеді.
Танымға толы саяхат оқушыларға ерекше әсер сыйлап, көтеріңкі көңіл-күй мен ұмытылмас естеліктерге толы болды.
Балалардың қауіпсіздігі мен сапалы демалысын ұйымдастыруға атсалысқан ұстаздар мен ата-аналарға алғыс білдіреміз.