Аудан көлемінде ағылшын тілі пәнінен “Бір сабақ – бір әдіс” онлайн сабақтары өткізілуде.
Педагогтердің кәсіби шеберлігін арттыру, тиімді оқыту әдістерін тәжірибеде көрсету мақсатында аудан көлемінде ағылшын тілі пәні мұғалімдерінің қатысуымен “Бір сабақ – бір әдіс” форматында онлайн сабақтар ұйымдастырылуда.
Аталған іс-шара барысында әр мұғалім бір сабақ аясында бір тиімді әдісті таңдап, оны оқыту үдерісінде қолдану жолдарын көрсетеді. Онлайн сабақтарда заманауи педагогикалық тәсілдер, белсенді оқыту әдістері, цифрлық платформаларды тиімді пайдалану және оқушылардың тілдік дағдыларын дамыту жолдары қамтылуда.
“Бір сабақ – бір әдіс” онлайн сабақтары мұғалімдерге өзара тәжірибе алмасуға, кәсіби пікір алмасуға және жаңа идеялармен танысуға мүмкіндік береді. Алдағы уақытта да ағылшын тілі пәні бойынша мұндай онлайн сабақтар жалғасын тауып, педагогтердің кәсіби дамуына оң әсерін тигізеді деп күтілуде.
