Төлеби ауданының білім бөлімінің жылдық жоспарына сәйкес мектептердегі оқу-тәрбие жұмысының ұйымдастырылуына мониторинг жүргізу жалғасуда.
Осы орайда Керегетас шағын жинақты жалпы білім беретін мектебінде мониторинг қорытындылары қаралып, бөлім басшысы Шұға Тұрмаханбетқызы білім сапасын көтеруге бағытталған нақты тапсырмалар берді.
Мониторинг барысында педагогтардың кәсіби дамуы мен әдістемелік қолдауы басты назарға алынды.
Алдағы уақытта берілген тапсырмалардың орындалуы қатаң бақылауға алынып, мектептерде сапалы білім беруді қамтамасыз етуге бағытталған жүйелі жұмыстар жалғасады.
