«Дала жиынына» Төлеби ауданы бойынша жалпы саны 1688 оқушы қатысуда.
Төлеби ауданында оқу-жаттығу дала жиынының салтанатты ашылу рәсімі өтті. Іс-шара Киелі тас ауылдық округіндегі «Спутник» балаларды сауықтыру орталығы базасында ұйымдастырылды.
Түркістан облысы білім басқармасы мен аудандық білім бөлімінің жоспарына сәйкес, 2026 жылғы 20–24 сәуір аралығында жалпы білім беретін мектептердің 10-сынып оқушыларына арналған оқу-дала жиыны бастау алды.
Жиынның басты мақсаты – оқушылардың алғашқы әскери дайындық пәні бойынша алған теориялық білімдерін тәжірибемен ұштастыру, әскери-патриоттық рухты қалыптастыру, сондай-ақ тәртіп пен жауапкершілікке тәрбиелеу.