«Үйде оқыту: Сапалы білім және психологиялық қолдау» тақырыбында аймақтық семинар өтті
Төлеби аудандық білім бөлімінің жылдық жоспарына сәйкес, Л. Тәжібаев атындағы шағын жинақты негізгі орта мектеп базасында мектеп директорлары мен оқу ісі жөніндегі орынбасарларға арналған маңызды аймақтық семинар ұйымдастырылды.
Семинардың негізгі мақсаты – үйде оқыту үдерісін жетілдіру, білім сапасын арттыру және үйде оқитын оқушыларға көрсетілетін психологиялық қолдауды күшейту болды.
Іс-шара барысында:
үйде білім алатын оқушылармен жұмыс жүргізудің тиімді әдіс-тәсілдері талқыланды;
жеке оқытудың ерекшеліктері қарастырылды;
оқушылардың психологиялық жағдайын қолдау жолдары жан-жақты сөз болды;
педагогтар өз тәжірибелерімен бөлісіп, заманауи оқыту әдістері бойынша пікір алмасты.
Сонымен қатар, үйде оқыту тек білім берумен шектелмей, оқушының тұлғалық дамуына, өзіне деген сенімді қалыптастыруға және өмірге қызығушылығын арттыруға бағытталатыны ерекше атап өтілді. Мұғалім мен ата-ана арасындағы тығыз байланыс пен өзара түсіністіктің маңыздылығына да назар аударылды.
Семинар қорытындысында қатысушылар үйде оқыту сапасын арттыруға бағытталған нақты ұсыныстар мен іс-шаралар жоспарын қарастырды. Бұл – әр балаға қолайлы білім беру ортасын қалыптастыру жолындағы маңызды қадам.
Біздің мақсатымыз – әр балаға сапалы білім мен жылы психологиялық қолдау көрсету. Себебі әр оқушы – ерекше тұлға!
Білімді ұрпақ – жарқын болашақ кепілі!
Төлеби ауданының білім бөлімі