«Құстарға қамқорлық» акциясы
1 наурыз – Алғыс айту күніне орай ауданымыздың барлық мектептері арасында «Құстарға қамқорлық» атты игі акция ұйымдастырылды. Бұл шараның басты мақсаты – табиғатты аялау, құстарға қамқорлық жасау және оқушылардың экологиялық мәдениетін қалыптастыру.Акция аясында оқушылар ата-аналары мен ұстаздарының қолдауымен құстарға арнап ұя жасап, оларды мектеп ауласына және ауыл-аймақтардағы ағаштарға орналастырды. Әрбір ұя – балалардың табиғатқа деген сүйіспеншілігі мен жанашырлығының көрінісі.Көктем мезгілінің келуімен бірге жылы жақтан оралатын құстарға жайлы мекен дайындау – сауапты іс. Осындай тәрбиелік мәні зор шаралар арқылы жас ұрпақ табиғатты қорғаудың маңызын түсініп, қамқорлық пен мейірімділік қасиеттерін бойына сіңіреді.Табиғатқа жасаған әрбір жақсылығымыз – болашаққа жасаған қамқорлығымыз. Құстарға ұя сыйлау арқылы біз қоршаған ортаға деген алғысымызды білдіреміз.
