Педагогикалық қолдау
Білім бөлімінің жоспарына сәйкес 30 қаңтар күні Қазақстан жалпы білім беретін мектебі базасында ауданымыздағы жалпы білім беретін мектептердің қазақ тілі мен әдебиеті пәні мұғалімдеріне арналған «Жаңа форматтағы сабақ: оқу мақсаттарына жетудің нақты қадамдары» тақырыбында әдістемелік қолдау жұмысы өткізілді.
Іс-шара барысында жаңа форматтағы сабақ құрылымы, оқу мақсаттарына жетудің тиімді жолдары, тапсырмаларды дұрыс жоспарлау және сабаққа құндылықты кіріктіріп оқытудағы заманауи әдіс-тәсілдерді қолдану мәселелері қарастырылып, педагогикалық қолдау көрсетілді. Қатысушылар тәжірибе алмасып, өздерінің кәсіби шеберліктерін арттыруға мүмкіндік алды.
Әдістемелік қолдау мұғалімдердің педагогикалық әлеуетін нығайтып, оқу үдерісінің сапасын арттыруға бағытталды.
