«Сапалы сабақ – сапалы білім: Lesson Study тәжірибесі»
Білім бөлімінің жоспарына сәйкес 27 ақпан күні №2 Ш.Уәлиханов атындағы жалпы білім беретін мектебі базасында білім беру сапасын арттыру мақсатында «Сапалы сабақ – сапалы білім: Lesson Study тәжірибесі» тақырыбында (Lesson Study) педагогикалық тәсілін жүзеге асырып отырған білім беру мекемелерінің педагогтерінің қатысуымен тәжірибелік алаң өткізілді.
Іс-шара барысында педагогтер Lesson Study үдерісінің тиімді тұстарымен бөлісіп, зерттеу сабағын жоспарлау, өткізу және талдау кезеңдері бойынша тәжірибе алмасты. Әріптестер өзара кәсіби диалог құрып, оқыту әдістерін жетілдіру жолдарын талқылады.
Тәжірибелік алаң аясында:
▪️Зерттеу сабақтарының үлгілері көрсетілді.
▪️Оқушылардың оқу жетістіктеріне талдау жүргізілді.
▪️Рефлексия және кері байланыс ұйымдастырылды.
▪️Тиімді әдіс-тәсілдер ұсынылды.
Lesson Study – мұғалімнің кәсіби дамуына, сабақ сапасын арттыруға және оқушы жетістігін жақсартуға бағытталған маңызды үдеріс екені тағы бір мәрте дәлелденді.
Іс-шара барлық қатысушылар үшін мазмұнды, тәжірибеге бай және нәтижелі болды.
