Құрметті оқушылар, ата-аналар және ұстаздар!
Соңғы қоңырау – жаңа өмірге бастар маңызды белес. Осы айтулы күні баршаңызды тәртіп пен қауіпсіздік талаптарын сақтауға шақырамыз.
Полиция қызметкерлері тарапынан жасөспірімдер арасындағы құқықбұзушылықтың, жол-көлік оқиғаларының алдын алу мақсатында рейдтік және профилактикалық жұмыстар күшейтілді.
Құрметті оқушылар! Жолда абай болыңыздар. Көлік кортежімен жүру – қауіпті әрі заңмен тыйым салынған.
Құрметті ата-аналар! Балаларыңыздың қауіпсіздігіне ерекше назар аудару – ортақ жауапкершілік.
Баршаңызды заң мен тәртіпті сақтауға, қауіпсіздікке жауапкершілікпен қарауға шақырамыз.
Мереке қуанышқа толы, қауіпсіз әрі жарқын өтсін!
ҚР Ішкі істер министрлігі