Түркістанда өткен «Адал ата-ана — қауіпсіз балалық шақ» облыстық форумында Түркістан облысы прокурорының орынбасары Даулет Бекбашұлы бала тәрбиесіндегі ең маңызды мәселелердің бірі — баламен тұрақты әрі шынайы қарым-қатынас орнату екенін атап өтті.
Форум барысында ол 6-сыныпта оқитын қызымен болған қарапайым диалогті мысал етіп келтіріп, қазіргі балалардың ойлау қабілеті, дүниетанымы мен көзқарасы ересектерден кем емес екенін жеткізді. Балалардың бүгінгі қоғамдағы өзгерістерді ерте қабылдап, түрлі ақпаратты тез меңгеретінін айтқан спикер ата-аналар мен ұстаздарды балалармен жиі сөйлесуге, оларды тыңдай білуге шақырды.