«Жаңа мектепке – жаңашыл ұстаз» жас педагогтердің VIII республикалық байқауының аудандық кезеңі өтті.
2026 жылдың 11 наурыз күні Төлеби ауданы білім бөліміне қарасты білім беру ұйымдарының жас ұстаздары арасында «Жаңа мектепке – жаңашыл ұстаз» жас педагогтердің VIII республикалық байқауының аудандық кезеңі ұйымдастырылды.Байқаудың негізгі мақсаты – жас педагогтердің әлеуметтік мәртебесін арттыру, шығармашылық әлеуетін дамыту, инновациялық қызметін қолдау, сондай-ақ олардың кәсіби шеберлігін шыңдауға жағдай жасау.Байқау барысында қатысушылар өздерінің жаңашыл идеяларын, педагогикалық шеберліктерін, заманауи әдіс-тәсілдерді тиімді қолдана білу қабілеттерін көрсетті. Жас мамандар білім беру саласындағы тың бастамаларымен бөлісіп, тәжірибе алмасуға мүмкіндік алды.Іс-шара жас педагогтердің шығармашылық белсенділігін арттырып, кәсіби дамуына серпін берген мазмұнды алаңға айналды.
Барлық қатысушыларға алдағы уақытта шығармашылық табыс, кәсіби жетістік және шәкірт тәрбиелеу жолында толағай табыстар тілейміз!
