Жастар қауіпсіздігі – ортақ жауапкершілік
Төлеби аудандық білім бөлімінің бастамасымен №7 ІТ мектеп-лицейі әкімшілігімен бірлескен профилактикалық жиналыс өтті.
Кездесу барысында жастар арасындағы дропперлік пен қаржылық алаяқтықтың алдын алу, интернет-алаяқтық түрлері мен киберқауіпсіздік, жасөспірімдер құқықбұзушылығы және ата-аналардың жауапкершілігі мәселелері кеңінен талқыланды. Сонымен қатар нашақорлық, кальян, вейп, «карб» және өзге де токсикоманиялық заттардың зияны жөнінде түсіндіру жұмыстары жүргізілді.
Жиын қорытындысы бойынша ата-аналармен бірлескен профилактикалық жұмыстарды күшейту және алдағы уақытта өзара тығыз ынтымақтастықта жұмыс жүргізу туралы шешім қабылданды.
